Johan Lund Olsen Issittup siunissaa pillugu ataatsimeeqataavoq
Issittumi politikerit Washington DC-mi sapaatip-akunnerata massuma ingerlanerani ataatsimiimmata, Inuit Ataqatigiit Folketingimut ilaaasortaata Johan Lund Olsenip siullerpaamik peqataaffigai.
USA-p Issittoq pillugu pilersaarutai ataatsimiinnermi pingaarnertut eqqartorneqarput, soorlu aamma USA-p Issittumi Siunnersuisoqatigiinni siulittaasuulernissaa eqqartorneqartoq. Alaskami senatori Lisa Murkowski, USA-llu nunanut allanut tunngasunut ministereqarfiata Issittumut tunngasunut sinniisuutitaa, sakkutuut naalagaat Robert Papp Issittumi Siunnersuisoqatigiinni siuttuulissapput.
Yukonimi Whitehorse-imi kingullermik ataatsimeersuartoqarnerani inerniliussat piviusunngortinniarneqarnissaat ataatsimiinnermi aalajangiunneqarpoq. Inuit Ataqatigiit siulittaasuat, Issittumilu Siunnersuisoqatigiinni taamanikkut siulittaasoq Whitehorse-imi taamanikkut peqataavoq:
- Issittumi politikerit ataatsimiinngitsiarneranni Danmarkip USA-mi aallartitaqarfiani ataatsimeeqateqarpunga, USA-p politikkikkut aningaasarsiornikkullu inissisimaffia pillugu ilisimatinneqarlunga. USA-p Issittoq pillugu politikkiata aallartitaqarfimmit nalilerneqarnera aamma paasisimasaqarfigilerpara. Issittumi politikerit ataatsimiinnerat ataatsimut pissarsiaqarfigeqaara, tullianilu ataatsimiittoqarnissaanut qilanaalereerlunga, Johan Lund Olsen oqarpoq.
Issittumi politikerit Reykjavikimi ukioq manna maajip ulluisa aqqaneq-aappaanni ataatsimiittussaapput.