Kulturi Nunanit allanit

Jette Bangip assilisai Kalaallit Nunaat nutaaliaasoq naapippaat

Assiliisartup qallunaap Jette Bangip Kalaallit Nunaat pillugu assilisai Københavnimi Fotografisk Centerimi ullumi tallimanngornermi assiliisartut Nunatsinneersut inuusuttut assilisaat ilanngullugit saqqummersinneqassapput.

Allattoq Sandra Meinecke

juunip 06-at 2015 12:33

Nutserisoq Ivik Kristiansen

Jette Bang 1936-mi siullermik Nunatsinnukarpoq, kingornalu Nunatsinnukaqattaarsimalluni. Assilisaalu Nunatta oqaluttuarisaaneranik takussutissiilluartutut ullumi nalilersorneqartut, Fotografisk Center saqqummersitsinissaminut qaaqqusissummini allappoq.

Kalaallit assiliisut inuusuttut assilisaat Jette Bangip assilisaannut ilanngullugit saqqummersinneqassapput, tassami Angu Motzfeldtip, Jukke Rosingip aamma Inuuteq Storchip ullumi Nunarput pillugu assilisaat aamma saqqummiunneqassammata.

Aamma atuaruk Jette Bangip inuunera sulineralu pillugit atuagaq nutaaq

Taamatut saqqummersitsiniarnerup isumaa tassaavoq, Jette Bangip assilisatoqai Nunarpullu pillugu ullutsinni assilisat sanilliunneqarsinnaassammata, taamaalillunilu piffissap ingerlanerani Nunatta allanngoriartorsimanera pillugu oqallittoqarsinnaassammat, Fotografisk Center allappoq.

Assit juunip 16-iata tungaanut saqqummersinneqassapput.

Aamma atuaruk Jette Bangip filmeliai siornatigut takutinneqarsimanngitsut takutinneqalerput