Jette Bangip filmeliai siornatigut takutinneqarsimanngitsut takutinneqalerput
Phd-imut ilinniartoq Anne Mette Jørgensen Danmarkimi katersugaasivissuaq Danmarks Nationalmuseum sullillugu Jette Bang-ip filmeliai 16 mililmeterinik filmeliat arlaqartut qarasaasiani isiginnaarneqarsinaasunngorlugit suliarai - Jette Bangip inunngorneranit ukiut 100inngorneranut atatillugu. Jette Bang nersorniarlugu atuakkamik aamma saqqummersitsisoqarpoq.
Jette Bangip filmeliarpassui maanna nunatisnni takutinneqartussat siornatigut nunatsinni Danmarkimilu pisortatigoortumik takutinneqarnikuunngillat.
Diskobugte-mi aalisartut aamma aalisakkat suliarineqartarnerat kinguppaallu qalipaajarneqartarnerat filmeliarineqarput aamma Sisimiuni raajat qerlertuusanut poortorneqartut filmeliarineqarput.
Filmeliani takuneqarsinnaasunut ilaapput qaannamik eqalussuarniartut - kuunni eqalunniartut - saarullinniartut- nataarnarniartut kiisalu raajarniat taakkua ilai umiatsiaaqqanik pujortuleeqqanik allallu kilisaatinik angallateqartut.
Aalisakkat angisuut suliarineqartarnerat filmeliarineqarput aamma Sisimiuni raajaleriffimmi raajat qalipaajarneqartut kingornalu qerlertuusanut poortorneqarnerat filmeni takutinneqarput.
Jette Bang nunatta sineriaani ukioq 1938-mi aamma 1939-mi angalavoq filmeliorlunilu, filmeliornermini takutinniarpaa piffissami tassani kalaallit nunaanni nutarterineq.
Jette Bang filmeliornermini illoqarfiit nunaqarfiillu tikissimasai - Jette Bangip filmeliaanik suliarinneqqiisup Anne Mette Jørgensenip tikeraaniarpai filmeliallu takutillugit.
Qasiannguani ullut marluk aaqqissussisoqassaaq tassalu ataasinngornermi 7. april aamma marlunngornermi 8. april
Anne Mette Jørgensen kingusinnerusukkut Sisimiunut tikissaaq tassani Jette Bang-ip filmeliai ilinniarnertunngorniarfimmi plejehjemme-mi kiisalu katersugaasivimmi takutinneqarumaarlutik.
Filmit takutinneqarneri Qasigiannguani Sisimiunilu katersugaasiviit suleqatigalugit aqqissorneqarput.