Jess G. Berthelsen SIK-mi siulittaasutut qinigassanngorteqqittoq
Jess G. Berthelsen kattuffiup ilaasortaanut suli tunniussassaqarluni misigisimagami siulittaasunngoqqikkusulluni oqarpoq.
Siulittaasunngornissaalu qularnarpallaanngilaq. Tassani SIK-p malittarisassai malillugit siulittaasunngorusuttut ataatsimeersuarneq qaammatinik pingasunik sioqqullugu kattuffiup allattoqarfianut nalunaartussaapput. Jess G. Berthelsenilu naapertorlugu siulittaasunngorusuttut allattorsimaffiani atia kisiartaalluni allaqqavoq.
AAMMA ATUARUK Maskinalerisumiit siulittaasumut: Kalaallit oqaasii sorsuutiginikuuakka
Ukiut kingulliit 30-it siulittaasuunermini akissarsiat naligiinnginnerat ilungersuutigalugu oqarpoq. Tamannalu aatsiatassarsiortoqalerpat aatsaat anguneqarsinnnaasoq Jess G. Berthelsen isumaqarpoq.
- Taamaakkaluartoq aatsitassarsiorusuttoqanngilaq. Uffa taanna ilaatigut aqqutigalugu aningaasat amerlanerusut pilersinneqarsinnaagaluartut taamaalillunilu aamma ilaasortagut anginerusumik aningaasarsiaqalersinnaagaluartut, Jess G. Berthelsen oqarpoq.
Suliffeeruttut aningaasaateqarnerussasut
SIK-mi ilaasortat suliffeerunnerminni aningaasat pisartagaat ikipallaarmata inatsisissatut siunnersuutip saqqummiunneqartussap akuerineqarnissaa siulittaasup neriulluarfigaa.
AAMMA ATUARUK SIK opfordrer alle medlemmer til at lade sig vaccinere
- Maannakkut ilaatigut annertuumik annaasaqartarput suliffeerunnerup nalaani taamatut ikiorsiissutinik pingaagamik, tassalu tapit allallu ilaallu ilanngullugit taakkua ilanngunneqarneq ajoramik.
Oqaatsit pingaartikkai
SIK-p siulitaasuata, Jess G. Berthelsenip ukiuni kingullerni 30-ni siulitaasuunermini kalaallisut oqaatsit pingaartinneqarnissaat suliniutaasa annerit ilaagaat, tamannalu akissarsiat pillugit isumaqatiginnniarnerni pingaaruteqartutut inissisimasut siulittaasoq oqarpoq.
- Oqaatsigut inorsarluta ingerlatsiniarutta taava oqaatsinik taakkuninnga ilisimasaqarluartut ajugaajuassapput.
SIK Ilulissani akunnittarfimmi Hotel Arcticimi ukiuni atuuffimmini 65-ni 23-ssaanik ataatsimeersuassaaq.
Ataatsimeersuarnermi qulequtaassaaq ”Ataatsimoorutta nukittunerussaagut!”.
SIK Ilulissani akunnittarfimmi Hotel Arcticimi ukiuni atuuffimmini 65-ni 23-ssaanik ataatsimeersuassaaq.
Ataatsimeersuarnermi qulequtaassaaq ”Ataatsimoorutta nukittunerussaagut!”.
Ataatsimeersuarnermilu Kattuffiup immmikoortortaqarfii 20-it peqataassapput.