Jess G. Berthelsenip ilaasortani tusindilikkaajusut kapitinnissaannik kaammattorpai.Assi: KNR

SIK: Akiuussutissamik kapitigitsi

- Ajoraluarmik ulluni kingullerni tusarsaalerpoq, ilaatigut upperisarsiornerit aallaavigalugit kapitinnissaminnut nalornilersut amerliartortut, Jess G. Berthelsen oqarpoq.

Nappaammut covid-19-imut kapitikkusunnatik ersilerlutillu aalajangertartut amerliartortut, SIK-p siulittaasua isumaqarpoq. Tamanna upperisarsiornermut ilaatigut tunngatinneqartalersimammat siulittaasup uggoraa, kattuffiullu ilaasortai tusindilikkaajusut kapiteqqullugit kaammattorpai.

AAMMA ATUARUK Naalakkersuisut: Upernaviup eqqaani kapitittut ikippallaaqaat

- Ajusaarnarpoq taamatut maannakkut inissittoqarnera, peqqutigalugu sapinngisamik amerlanerpaajulluta akiuussutissamik kapitittariaqarpugut maani nunatsinni nalinginnaasumik ulluinnarni inooqqilissagutta, Jess G. Berthelsen KNR-imut oqarpoq.

Illuatungilerusukkai

Taanna inuunerup nutaap oqaluffiani upperisarsiortut oqaluussisartuata ilagiit kapitinnginnissaannik oqaluussimagai tusaramiuk ilaatigut taama qisuariartariaqalersimalluni oqarpoq. Illuatungilerusuppaali:

- Taava upperisarsiornermut aamma saatissappat oqarsinnaavugut, immaqa arlaatigut ikiorserneqarsimavugut ersinngitsumik taama sukkatigisumik taamalu pitsaatigisumik nunarsuarmi pilersitsisoqarnissaanut, Jess G. Bethelsen oqarpoq.

Sulinermik Inuussutissarsiuteqartut Kattuffianni ilaasortat ilaat coronap nalaani aningaasarsiamikkut eqqornerlunneqarput, taakkua Mittarfeqarfi nni Air Greenlandimilu sulisuupput. Aningaasarsiaallu nalinginnaasunngoqqissappata kapitinnissaq avaqqunneqarsinnaanngissorineqarpoq.

- Ilaasortatta ilaat nalinginnaasumik aningaasarsiat tungaatigut pitsaanerusumik nalinginnaasumik inisseqqissappata taava amerlanerpaat kapitinnissaat pisariaqarpoq, Jess G. Berthelsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat