Jeremiassen naalakkersuisunngorpoq
Maanna pisortatigut nalunaarutigineqarpoq, Siumumeersoq Nikolaj Jeremiassen aalisarnermut, piniarnermut nunalerinermullu naalakkersuisuuffik Karl Kristian Kruse, aamma Siumumeersoq, taarserlugu inissiffigigaa.
Allattoq Jens Thorin
maajip 23-at 2016 10:12
Naalakkersuisut siulittaaaasuat, Kim Kielsen, Siumut, Inatsisartut oqaluttarfianut nalunaaqutaq qulip qaangilaara qaqivoq, naalakkersuisullu allanngornissaannik siunnersuut saqqummiullugu.
Aamma atuaruk Karl Kristian Kruse Naalakkersuisuniit tunualerpoq
Paasissutissat Nikolaj Jeremiassen pillugu:
- Aasiaat pigisaani Niaqornaarsummiu
- Nuliaraa Kristianne Jeremiassen sisamanillu qitornaqarluni
- Inatsisartut Aalisarnermut, Piniarnermut Nunalerinermullu ataatsimiititaliaanni siulittaasoq
- 2013-imiilli Inatsisartunut ilaasortaq
- 1993-imit 2008-mut kommunalbestyrelsimut ilaasortaq
Karl Kristian Kruse aalisartutut inuussutissarsiutiminut uteqqikkumalluni naalakkersuisuni ilaasortatut tunuarnissamik kissaateqarsimavoq.
Inatsisartunut ilaasortat sivisuumik oqallisereersut taasititsisoqarpoq. 16-it akuersipput qulingiluallu taaseqstaanatik. Nikolaj Jeremiassen taamaalilluni Karl Kristian Kruse naalakkersuisutut taarserpaa.
