Jens B. Frederiksen: Ernummatissaqanngillat
Kiffartuussinissamut isumaqatigiissutip atuutilerneranit periarfissat mississorneqassapput Jens B. Frederiksen oqarpoq.Taanna isumaqarpoq tunumi takornarianik sullissisut periarfissagissaartorujsusuussasut.
Illoqqortoormiuni takornariaritsivimmi Nanu Travel-imi pisortap Susanne Pike-p ernummatigaa, Nerlerit inaannut timmisartuussisarnerit ikilisinneqarnerisigut timmisartuussisarnerit sivitsorneqassasut akisunerulissasullu.
Air Greenland sapaatip akunneranut ataasiarluni Nerlerit inaannut timmisartuussissalerpat taamaatitsinerit amerlinissaat Susanne Pikep ernummatigaa. Nunanut allanut aamma nunanit allaniit Illoqqotoormiunut angalaniarneq ajornarnerulissasoq Susanne Pike isumaqarpoq, taassumalu ajuusaarutigaa taamatut isumaqatigissuteqartoqarsimanera.
Kiffartuussinissamut Isumaqatigiissuteqarnermi tunumut tunumiillu timmisartumik angallasineq annertusarneqarpoq periarfissallu allat ammatinneqartut Angallannermut Naalakkersersuisoq Jens B Frederiksen oqarpoq.
Isumaqatigiissut pitsanngorsaanermik imaqartoq Jens B. Frederiksen isumaqarpoq.
Kitaanut timmisartuussisarneq annertusarneqarpoq aamma takornariaqarneq eqqarsaatigalugu Island-imut timmisartukkut attaveqarneq annertusarneqarpoq, Angallannermullu Naalakkersuisoq Jens B. Frederiksen isumaqarpoq, timmisartuussisarnermi periarfissat suli annertusut.