J.D. Vancep tikeraarnermi kingorna USA-p Kalaallit Nunaannut soqutiginninnera erseqqissarpaa
USA-p soqutigisani illersussavai, "come hell or high water", imalu nutserneqarsinnaavoq "qanorluunnit pisoqaraluarpat", USA-p vicepræsidentia, J.D. Vance, Kalaallit Nunaanni soqutiginninneq naalagaaffiup isumannaallisaaneranut tunngassuteqarneranik tallimanngormat unnukkut taama erseqqissavoq,
Taanna tusagassiorfimmut Newsmaximut taama oqarpoq.
Newsmax-imi apersorneqarnermini sapaatip akunnerani kingullermi Kalaallit Nunaannut angalasimanera pillugu aperineqarpoq, soorlu aamma USA-p præsidentia Donald Trump oqarsimasoq, Kalaallit Nunaat pigilerniarlugu aamma sakkutuulersortoqarnissaalu suli isumaliutigineqarsinnaasoq.
- Præsidentip aamma oqaatigisai - tusagassiuutit taanna soorunami malersorpaat - kisianni isumalluarnartorujussuuvoq.
- "Tamanna isumannaallisaanermut pingaaruteqarpoq. Tamanna missilinut illersuinermut pingaaruteqarpoq, qanoq pisoqarsoraluarpalluunniit USA-p soqutigisaui illersorniarpagut." Præsident Trump oqarpoq,
kalaallit "erseqqilluinnartumik erseqqissarsimagaat Danmarkimit namminiilivinnissartik" sapaatip akunnerani kingullermi Kalaallit Nunaannut tikeraareerluni Vance oqarpoq.
Oqaaseqaatit toqqissisimananngitsut
"Kalaallit Nunaanni inuk ataaseq ukiumut 60.000 dollarit missaannik pissarsisarput." Vance tikeraarnermini oqarfigineqarsimalluni oqarpoq.
Aningaasat Danmarkimeersut pillugit nutaarsiassaqartitsivik Newsmax naapertorlugu Vance taama oqaluttuarsimavoq.
Præsidentip oqaatigisaa tassaavoq kalaallinut inuiaqatigiinnut aningaasanik amerlanerujussuarnik tunisinnaagatta. Aamma: Pissutigalugu isumannaallisaaneq USA-mut pingaaruteqarmat.
- Kisianni aap, isumaqarpunga Danmarkimit namminiilivinnissartik kissaatigigaat. Aammalu taamaalioreerpata Kalaallit Nunaanni USA-mut attaveqarnissaq kissaatigisarput pillugu oqaloqatiqatigiissuteqarsinnnaavungut, Vance oqarpoq.
Danmarkimi statsministeri, Mette Frederiksen (S), ulluni kingullerni nunatsinni tikeraarpoq. Tallimanngornermi apriilip ulluisa sisamaanni Danmarkimut uteqqissaaq.
Nunatsinni Naalakkersuisut siulittaasuat siulittaasuujunnaartoq aamma siulittaasunngortussaq peqatigalugit pingasunngormat tusagassiortunik katersortitsinermini amerikamiunut toqqaannartumik nalunaaruteqarpoq.
- Nunat naalagaaffimmut ilanngutitinneqarsinnaanngillat.
Nunanut allanut ministerip Lars Løkke Rasmussenip (M) amerikamiut ministeriunerat, Marco Rubio, Bruxellesimi pingasunngormat ataatsimeeqatigaa.
Ataatsimeersuarnerup kingorna Løkke tusagassiorfinnut ilaatigut ima oqarpoq:
- Naalagaaffeqatigiinneq sinnerlugu naapeqatigiinneq erseqqissaanermut atorpara.
- Tassalu Kalaallit Nunaata tiguneqarnissaanik anguniagaqarluni amerikamiut præsidentianit ingerlaavartumik oqariartuutit tamakku sumiluunniit toqqissisimanartuunngitsut.
