Japanip ministeriunera Zelenskyj naapinniarlugu Ukrainemiittoq
Nunat tamalaat Ruslandimut akiuunneranni siulersuisuussallutik, japanimiut februaarip naanerani neriorsuipput. Japanimiut ministeriunerat, Kishida, maanna Ukrainemiippoq.
Ukrainemiut sapiitsuliorlutik qasusuillutillu nunaminnik illersuiniarnerat ataqqiniarlugu Fumio Kisihida Ukrainemut tikeraartoq, Japanip nunanut allanut tunngasunut ministereqarfianit oqaatigineqarpoq.
Allattoq Ritzau
marsip 21-at 2023 10:50
Nutserisoq Mads Lynge
Japanip ministeriunera, Fumio Kishida, maanna Ukrainemiittoq, Japanip nunanut allanut tunngasunut ministereqarfiata uppernarsaraa nutaarsiassaqartitsivik AFP allappoq.
Ministeriunerup Ukrainep præsidentia Volodymyr Zelenskyj Ukrainep illoqarfiisa pingaarnersaanni Kyivimi naapissagaa, nutaarsiassaqartitsivik Reuters allappoq.
Ukrainemiut sapiitsuliorlutik qasusuillutillu nunaminnik illersuiniarnerat ataqqiniarlugu Fumio Kisihida Ukrainemut tikeraartoq, Japanip nunanut allanut tunngasunut ministereqarfianit oqaatigineqarpoq.
Kinap præsidentiata, Xi Jinpingip, Vladimir Putinimut tikeraaleruttornerani Fumio Kisihida Ukrainemut tikeraarpoq.
