Japanimi nunap sajunnerani inuit 92-it ajunaartut
Japanimi nunap sajunnerani inuit 92-it ajunaarput. Ujaarineqartut 242-nut amerleriarlutik.
Japanimi nuna ukiortaami sajuppoq, Japanimilu silasiorfiup nalunaarutaa naapertorlugu Japanimi sumiiffinni assigiinngitsuni 155-ni nuna sajuppoq.
Japanimi nunap immikkoortuani Ishkawami nuna sakkortunerpaamik sajuppoq 7,6-nik sakkortussuseqarami tassanilu ajunaartoqarpoq. Tassanilu annassimasinnaasunik nassaartoqarnissaa ilimagineqarunnaariartorpoq.
Aqquserngit marullunnik sisoorfigineqartarnerisigut annaassiniartartunut ilungersunartorsiorfiusimavoq.
Nunap sajunnerani eqqugaanerpaasut illoqarfinnut anginerusunut ungasipput, aamma aqqusernerni aseruatiterpaaffiusuni.
Japanimi nuna taama sakkortutigisumik kingullermik sajuppoq 2016-mi, taamanilu ajunaartoqarpoq.
Japanimi sumiiffinni assigiinngitsuni hundredelikkuutaani nuna ukiut tamaasa sajuttarpoq, amerlanerpaartaanni ajoqusernernik kinguneqartaratik.