Japanimi ministeriunerusimasoq aallaaneqarluni toqunneqartoq

67-inik ukiulik Japanimi ministeriunerusimasoq, Shinzo Abe, tallimanngornermi oqalugiartilluni aallaaneqarluni toqutaavoq.

Narami napparsimmavimmit ullumi tallimanngornermi taama ilisimatitsipput.

Shinzo Abe napparsimmaviliaanneqarnermini aannaartorujussuummat annaanneqarsinnaasimanngitsoq, Narami napparsimmavimmit ilisimatitsipput. Toqungasoq napparsimmaviliaanneqarsimasoq ilisimatitsissutigineqartoq, nutaarsiassaqartitsivik Reuters allappoq.

AAMMA ATUARUK Japanimi partiip naalakkersuisoqartitsisup Shinzo Abemut kingoraartissamik toqqaasut

Abe aalersorneqarsimagaluarluni annaanneqarsinnaasimanngitsoq, napparsimmavimmit ilisimatitsivoq.

Angut 41-nik ukiulik toqutsisimasutut pasineqarluni tigusarineqarpoq. Angutip tigusarineqartup saassussisuunini kingorna nassuerutigigaa Shinzo Abelu isoralugu toqunniarlugu aamma oqaatigigaa, Japanimi tusagassiorfik NHK allappoq.

Shinzo Abe Japanimi 20006-imi ukioq ataaseq ministeriuneruvoq, ministeriunertullu aappassaanik 2012-imit 2020-p tungaanut issialluni. Japanimi ministeriunerusimasut akornanni sivisunerpaamik ministeriunerunikuuvoq.