Japanimi partiip naalakkersuisoqartitsisup Shinzo Abemut kingoraartissamik toqqaasut
![](/sites/default/files/styles/image_934x467/public/article_images/20200908-065157-l-1920x1277we_1.jpg?itok=-zDU5ABn)
Japanimi partiip naalakkersuisoqartitsisup Liberale Demokratiske Partiip (LDP) Yoshihide Suga siuttutut toqqarpaa, taamaalillunilu Shinzo Abep Japanimi ministeriunertut kingoraartissaanik toqqaalluni.
71-inik ukiulik Suga, Japanip naalakkersuisuisa atorfilittaannut pisortatut oqaaseqartittagaattullu maanna atorfeqartoq amerlanerussuteqarluartunit taaguunneqarpoq. Partiip inatsisartuni ilaasortaani nunallu ilaani sinniisuini 534-usuni 377-init taaguunneqarpoq.
AAMMA ATUARUK Japanip ministeriunera tunuartoq
Sugap ministeriunertut inatsisartuni pingasunngorpat qinersinermi qinerneqarnissaa ilimagineqarpoq.
Partiip naalakkersuisoqartitsisup partiillu suleqataata Komeitop inatsisartuni amerlanerussuteqarmata partiip siuttortaavata naalakkersuisut siuttuatut qinerneqarnissaa qularnanngingajattoq, nutaarsiassaqartitsivik Ritzau allappoq.