Japanip ministeriunera tunuartoq
Japanip oqaluttuarisaanerani ministeriunerni sivisunerpaamik atuussimasoq peqqiilliornini pissutigalugu tunuarniarluni tallimanngornermi ullaakkut nalunaaruteqarpoq.
Japanip ministeriunera, Shinzo Abe ukiuni arfineq-pingasungajanni ministeriunereerluni ukiorpassuarni napparsimassutigisani pissutigalugu tunuarpoq.
Allattoq Ritzau
aggustip 28-at 2020 09:51
Japanimi ministeriuneq Shinzo Abe tunuarniuteqarpoq.
Tusagassiortunik katersuutsitsinermi taama nalunaaruteqaqqammerpoq.
Peqqinnginnini pillugu tunuarniuteqarluni nalunaarutigaa. Napparsimaninimi politikkikkut aalajangiinernut sunniuteqartannginnissaa nammineq kissaatigaa.
Abep peqqissusaa tusagassiorfinnit qanittukkut eqqartorneqalerpoq, piffissarmi sivikitsup iluani marloriarluni napparsimmavimmut unitsinneqartariaqarsimagami.
Shinzo Abep inalugarsuarmigut anigorsinnaanngisaminik nappaateqarnini ukiorpassuarni peruluutigisimagaa, nutaarsiassaqartitsiviup Reutersip allaaseraa.
65-inik ukiulik, Shinzo Abe Japanimi 2012-imili ministeriuneruvoq.
