Japanimi innuttaasut ikiliartorput

Ukioq kingullermi oktoberimi Japanimiut 127,1 millioniupput. Inunnik kisitsinermi kingullermiit inuit 0,7 procentimik ikinnerupput.

Japanimi inunngortartut ikiliartornerat, nunasisartullu amigaataanerat pillugit Japanimi inuit ikiliartornissaat inuttussutsimik immikkut ilisimasallit qangalili ilimagisimavaat.

Qaammatini arfineq pingasuinnarni, ilaatigut illoqarfiiit pingaarnersaanni Tokyomi, inuit amerliartorsimapput.

Japanimi naalakkersuisut allattorsimasuutaat malillugit 2060-imi Japanimi inuit 40 procentii 65-inik ukioqassapput utoqqaanerullutilluunniit, nunallu tamakkiisumik innuttaasui pingasoriaammik ikilisimassallutik.

Inunngortartut amerlassusaat 1,4-imiit 1,8-mut qaffannissaa, taamalu meeraqarneq ajornannginnerusumik akikinnerusumillu pisinnaanera naalakkersuisut anguniagassaannut Ministeriunerup Shinzo Abep ilannguppaa,

Nunani aningaasaatilinni aalakkaasumik innuttaasut amerlassuseqassagunik inunngortartut minnerpaamik 2,1-iussapput. 

/ritzau/