Ittoqqortormiini suliffissaaleqisut 2017-imi ikileriarujussuartut
Suliffissaaleqisut 2017-imi naatsorsorneqarneranni Ittoqqortoormiunut ajunngissimavoq.
Tamanna Isumaginninermut Suliffeqarnermullu Ataatsimiititaliap tulliani ataatsimiinissaani oqaluuserisassani atuarneqarsinnaavoq.
Januaarip qaammataani 41-it suliffissaaleqisutut nalunaarsorneqarput, kisianni novemberip qaammataata naalernerani suliffissaaleqisutut nalunaarsorneqartut 21-nut ikilisimapput.
Ukiup aallartinneqarnerani suliffissaaleqisut 8,3 procentinik ikiliarsimariarlutik novembarimi 15,9 procentinik ikileriarput.
AAMMA ATUARUK Suliffissaaleqisut pillugit sukaterisoqassasoq Enoksen isumaqarpoq
Kommuneqarfik Sermersuumi suliffissaaleqisut ikileriarnerat Ittoqqortoormiini kisimi pinngilaq, Paamiuni Arsummilu siorna 2017-imi suliffissaaleqisut 240-nit 141-nut ikileriarput, procentinngorlugit 23 procentinit 14 procentinut ikileriaramik.
Ataatsimut isigalugu kommunimi suliffissaaleqisut siorna malunartumik ikileriarput.
Jannuaarimiit novembarip qaammaataata tungaanut suliffissaaleqisut qaammatit aqqanillit ingerlaneranni 418-inik ikileriarput.
AAMMA ATUARUK 2.000-init ikinnerusut maanna suliffissaaleqisuupput
