Assi: KNR

Suliffissaaleqisut pillugit sukaterisoqassasoq Enoksen isumaqarpoq

Pisortat ikiorsiissutaannik pisartagaqartut suliffissaqaraluarlutillu uninngaannartut Naalakkersuisut isiginngitsuusaarneqarsinnaajunnaarput.

Suliffeqarnermut naalakkersuisoq, Hans Enoksen neriorsuivoq pisortanit ikiorsiissutit pillugit inatsit kommunit peqatigalugit sukaterisoqassasoq.

- Suliffissaqaraluarlutik uninngaannartut sulilerseqqinneqarnissaat anguniarlugu pisortat ikiorsiissutaat sukaterneqartariaqarput, Hans Enoksen Qanoruumut ippassaq pingasunngornermi oqarpoq imalu nangilluni aamma oqarluni.

- Nunanit allanit suliartortitsisarunnaarluta nunaqavissut sulilersinneqarnissaat imminut akilersinnaalertariqarpoq. Tassami assersuutigalugu maani Nunatsinni najugaqartunik sulisoqarsinnaagaluarluta, kiniserit Nunatsinnut tikisillugit sulisorineqartarneri naleqqutinngilaq.

Hans Enoksen oqarpoq. Pisortanillu ikiorsiissutinut inatsisip sukaterneqarnissaani kommunit tusarniarneqassasut oqarluni.

- Innuttaasut ilaasa atugaat pillugit kommunit qulaatiinnarlugit naalakkersuisut sukaterisinnaanngillat.

AAMMA ATUARUK Sulisinnaasut ikinnerusunik ikiorsiissuteqartikkusukkai

Naalakkersuisoq oqarpoq erseqqissaatigalugulu sukaterinermi ilaqutariit meeratallit ulluinnarni inuunerannik ajornerulersitsinnginnissaq mianersuunneqassasoq.

- Ilaqautariit meerartallit inuuniarnerata ajorseriannginnissaa pinngitsoorata qulakkeertariaqarparput.

Inuussutissarsiornermut, Suliffeqarnermut, Niuernermut, Nukissiuuteqarnermullu naalakkersuisoq, Hans Enoksen Qanoruumi apersorneqartilluni ippassaq ilaatigut taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat