2.000-init ikinnerusut maanna suliffissaaleqisuupput

2017-imi septembarimi suliffissarsiortutut nalunaarsukkat 1987-iupput, siorna piffissap taamaalineranut naleqqiullugu 216-inik ikinnerullutik. Kalaallit Nunaanni Naatsorsueqqissaartarfiup kisitsisaataani tamanna takuneqarsinnaavoq.

AAMMA ATUARUK Suliffissaaleqisut pillugit sukaterisoqassasoq Enoksen isumaqarpoq

Suliffissarsiortutut nalunaarsukkat 1987-it akornanni sulilernissamut piareersimasutut nalunaarsukkat 1134-upput. Tassa suliffissarsiortutut nalunaarsorneqarsimasut, sulilernissaminnut piareersimasut.

Suliffissarsiortutut nalunaarsukkat illoqarfinni ikileriarsimapput, kisitsisillu nunaqarfinni taamaaginnarsimallutik.

Ukioq manna septembarimi suliffissarsiortutut nalunaarsukkat 1987-iusutu akornanni nunarfinniittut 351-iupput.

AAMMA ATUARUK Nunaqarfinni suliffissaaleqisut amerleriartut