Itillimi tingulluttut amerlaqaat

Sisimiut eqqaanni nunaqarfimmi Itillimi inuit pingasuugaangata ataaseq, imaluunniit Itillermiut 27 procentii, tingulluummik nappaateqarput. Taamaammat massakkut Itillimi nakorsaqaaluttoq, Sisimiuni nakorsaaneq, Ove Rosing Olsen atuagassiami Sivdlermi allappoq. Nunaqarfimmi Itillip eqqaaniittumi, Sarfannguami inuit 3 procentiinnaat tingulluummik nappaateqarput.
juulip 21-at 2008 16:23

Itillimi tingullunneq qangali naluneqanngilaq, tassa 1980-ikkunni -90-ikkunnilu amerlasuunik tingulluttoqarnera naluneqanngimmat, 2007-imilu Itillermiut misissoqqissaarneqarput. Itillermiut tingulluutinik hepatitis B-mik D-millu nappaateqarput, taakkualu ataatsikkut nappaatigigaanni assut perulutsitsisartut, Ove Rosing Olsen allappoq. Hepatitis B kisiat nappaatigigaanni ilaannikkut malunnarneq ajorpoq. Itillimi tunillatsinnikuunngitsut akiuussutissamik kapitinnissaminnik neqeroorfigineqarput, tunillatsinnikullu aaversipput tingulluutaallu sakkortusiartulissagaluarpat katsorsarneqarnissaminnik neqeroorfigineqassallutik. Akiuussutissamik kapuuinikkut hepatitis B-mik nappaateqarnerup nungutinneqarsinnaanissaa Ove Rosing Olsenip allakkamini neriuutiginerarpaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq