Suliumajunnaarneq: Isumaqatigiinniarnerit atorlugit timmisartuussinerit qulakkeerneqassapput

Nutarsaanermut aqutsisoqarfik – Moderniseringsstyrelsen – Naalagaaffik sinnerlugu isumaqatigiinniartuusoq Akademikernes Centralorganisation-imeersullu sisamanngorpat ataatsimiilerpata DMI-mi silasiortut arlallit suliumajunnaaqataassannginnersut pillugit isumaqatigiinniarnialersut Sermitsiap allaaseraa.

Tamannami anguneqarsinnaassappat timmisartoqarfinni silassamik ilimasaarusiortoqarsinnaalissaaq, taamaalillunilu timmisartut nunatsinni timmisartoqarfinnut missinnaalissallutik.

AAMMA ATUARUK Danmarkimi suliumajunnaartoqassappat nunatsinni timmisartuussinerit eqqorneqarsinnaapput

Timmisartoqarfinnummi silassamik ilimasaaruteqanngippat nunatta iluani timmisartuussinerit tamavimmik unitsinneqartariaqalissapput, assersuutigalugulu Københavnimiit Kangerlussuarmut timmisartuussisarnerit unitsinneqariaannaallutik. Tamanna DMI-p Namminersorlutillu Oqartussat oqaatigereerpaat.

Danmarkimi pisortat suliffeqarfiutaann sulisut apriilip sisamaaniit suliumajunnaariaannaapput, isumaqatigiinniarnerilli maanna ingerlasut apeqqutaallutik suliumajunnaarnissaq marloriarluni ulluni 14-ini kinguartinneqarallarsinnaalluni.

Naalagaaffik, Danmarkimi Kommunit regionillu tamarmik sulisut suliumajunnaartunik apriilip qulinganiit mattusseriaannaanerarlutik nalunaarutigereerpaat.

AAMMA ATUARUK Flypassagerer risikerer ændrede billetter

AAMMA ATUARUK Suliumajunnaarneq Kalaallit Nunaanni timmisartuussineq eqqugaasinnaavoq