Aaja: Isumaqatiginniarnissamut sooq ilaasinnaanngilagut
Inuit Ataqatigiinnit Folketingimut ilaasortap, Aaja Chemnitz Larsenip tamanna paasiuminaatsippaa.
- Tamanna akuersaarneqarsinnaanngissoraara, kalaallit Danmarkimiittut ilisimasaat soorunami atorneqassapput, folketingimut ilaasortaq oqarpoq.
Taamaammat kalaallit ilaasortat Folketingimi isumaqatigiinniarnerni peqataasariaqannginnersut Aaja Chemnitz Larsenip danskit ministeriuneranut apeqqutigaa.
AAMMA ATUARUK Der mangler midler til grønlændere i Danmark
Satspuljemmi ullumikkut isumaqatigiissutigineqarnerini kalaallit inuuniarnermikkut ajornartorsiuteqartut isiginiarneqarpiartarsorinngilai.
- Tassami kalaallit Danmarkimiittut danskit folketingimi ilaasortassaannik qinersisarput, kisianni inuuniarnermikkut atugarliortut pineqartillugu kalaallit amerlanertigut puigugaasarput, Aaja Chemnitz Larsen oqarpoq.
AAMMA ATUARUK Satspuljenit aningaasaliissutit naalagaaffimmit tunniunneqaqqittalerput
Naak kalaallit Danmarkimiittut amerlanerit Aaja Chemnitz Larsen naapertorlugu inuunerissaartuugaluartut inuuniarnermikkut ajornartorsiuteqartut amerlapput.
- Inuuniarnermikkut ajornartorsiuteqartuni naatsorsuinerni amerlanerusutut takutinneqarpugut, taamaammat susassaqarfik sumiginnarneqartarpoq, sammineqalaarneralu ajunngitsuusoraara anguniagassarli angusimanngikkipput isumaqarpunga, Aaja Chenmnitz Larsen oqarpoq.
