Satspuljenit aningaasaliissutit naalagaaffimmit tunniunneqaqqittalerput
Danmarkimi Isumaginninnermut Aqutsisoqarfiup satspuljenit aningaasanik tunniussisarnini ammaqqippai. Isumaginninnermut Aqutsisoqarfik nittartakkamini taama allaaserisaqarpoq.
Allattoq Helle Nørrelund Sørensen
oktobarip 18-at 2018 07:47
Nutserisoq Mads Lynge
Kalaallinut inuuniarnermikkut ajornartorsiortunut suliniutinut aningaasaliinerit taamaasillutik ammaqqinneqarput, innuttaasullu kalaallit Danmarkimut tikeqqammersut sullinneqarnerinut, naalagaaffiup satspuljeanit Kalaallit Illuutaannut aningaasaliissutit ammaqqillutik.
Isumaginninnermut Aqutsisoqarfimmi sulisup 111 millionit koruunit nalinginut peqquserluttuliorsimanera pissutaalluni satspuljenit aningaasaliissutit Aqutsisoqarfimmit qaammatip massuma aallartisimalaarnerani unitsinneqarallarput.
Satspuljenit aningaasaliissutit nakkutigineqarlutillu aqunneqarnissaat pillugu aningaasaliissutit unitsikkallarneqarput.
AAMMA ATUARUK Kalaallit Illuutaat satspuljet unitsikkallarneqarnerannit eqqugaasut
