Aaja Chemnitz Larsen: Danmarkimi kalaallinut aningaasaliisoqarnissaa amigaataavoq
Kalaallinut immikkut suliniutinut aappaagumut nutaanik aningaasalisoqanngilaq. Kalaallinulli kinguaassiutitigut atornerlunneqarsimasunut suliffissaqartitsiniarnermullu suliniutit immikkut ukkatarineqassapput.
Folketingimi ilaasortaq, Inuit Ataqatigiinneersoq, Aaja Chemnitz Larsen isumaqatiginniarnerni peqataavoq,
kalaallinullu Danmarkimiittunut immikkut aningaasaliisoqannginniarnera uggoraa.
- Immikkut aningaasaliisoqannginnera ernumanartutut isigaara, kalaallinummi Danmarkimiittunut immikkut neqeroorutaasartut pillugit angalagama paasivara immikkut ikiortariaqartunut innersuussiffissaqanngitsoq, Aaja Chemnitz Larsen oqarpoq.
AAMMA ATUARUK Økonomisk støtte til socialt udsatte grønlændere
Aaja Chemnitz Larsen kalaallinut suliniuteqarnissanut, kingunerluuteqartunullu ikiortariaqartunut nutserussisarnerlu pillugit isumaqatiginniaqataaqqammerpoq.
- Kalaallinut ikiortariaqartunut immikkut ittunik neqerooruteqartoqarnissaa pisariaqarsorigaluarpara, kalaallimmi Kalaallit illuutaaniittartut ilaat qallunaatut pisinnaasaat killeqartarput, taamaattumik immikkut ikiortarialinnut neqerooruteqarnissaq pisariaqartinneqaraluarpoq, Aaja Chemnitz Larsen oqarpoq.
