Justus Hansen: Isumaqatigiissusiorneq nunatsinni aningaasalersuinissamut pilerinarnerulersitsissaaq

Kim Kielsenillu Lars Løkke Rasmussenillu ataasinngormat isumaqatigiissutigisaanni aningaasat amerlanerpaartaat mittarfiliortiternermut atorneqartussaagaluartut, 2015-imi siunnersuutigineqartup siunertaata annersaa malinneqartoq, Justus Hansen taama isumaqarpoq.

Naalagaaffimmi Greenland Venturemut Vækstfondenimullu 180 millionit koruuninik aningaasaliissuteqarpoq, Namminersorlutik Oqartussat 20 millionit koruuninik aningaasaliissuteqartut. Aningaasallu taakku nunatsinni inuussutissarsiornikkut suliniutinut aningaasaliissutigineqassapput.

AAMMA ATUARUK Koalitionspartnere støtter dansk håndsrækning

- Isumaqarpunga qulequtsiussara atorsimagaat (siunnersuummut qulequtaq, aaqq.) – tassalu attaveqaqatiigiinneq pisariaqartinneqartoq mittarfiliortiternerlu – saniatigullu nunatsinni inuussutissarsiornermut aningaasaliissuteqarneq. Taamaammat ataatsimut isigalugu nuannaarutigaara, Justus Hansen oqarpoq.

Naalakkersuisulli Kim Kielsenimit siulersorneqartut Lars Løkke Rasmussenip aningaasalersuisarfittut aningaasaateqarfimmik nunatsinnut iluaqutaasussamik pilersitsinissaq pillugu suleqatigiinnissamut arlaleriarluni neqerooruteqartarsimaneranut akuersinissaminnut tunuarsimaarpallaartarsimasorai.

Kingusissoornerli pinngitsoornermit ajunnginneruvoq. Kim Kielsenimmi Lars Løkkellu aningaasalersuinissamik isumaqatigiissuteqarnerisigut nunatsinni aningaasalersuinerit amerlanerulissapput, Justus Hansen taama isumaqarpoq.

- Tamatumunnga ammaassisoqarpoq. Aamma Danmarkimi soraarnerussutisiassanut aningaasaateqarfinnut, taakkumi naalagaaffimmit qularnaveeqqusiisoqarnera, imminut akilersinnaasussaqarnera aningaasaliisoqartariaqarneralu maanna takusinnaalerpaat. Qularutiginngilaralu Naalakkersuisut siulittaasuat nunatsinnik ikiuerusuttunit saaffigineqarumaartoq, Justus Hansen oqarpoq.

AAMMA ATUARUK Kalaallit Airports 1 milliard koruuninik sipaaruteqarsinnaasoq