Isumalioqatigiissitap sulinini ingerlateqqinnianngilaa
Tunngaviusumik inatsisissaq pillugu Isumalioqatigiissitap siulittaasoqarfia tusagassiuutinut nalunaaruteqarluni nalunaarutigaa, Isumalioqatigiissitap sulinini ingerlateqqissinnaanngikkaa, isumalioqatigiissitap sulinissaanut najoqqutassat Naalakkersuisunit nutarterneqartinnagit.
Taama qisuariaateqartoqarpoq, Namminiilivinnermut Naalakkersuisoq Suka K. Frederiksen Qanoruumi sisamanngornermi oqarmat, decemberip aallartisimanerani piumasarisimallugu Isumalioqatigiissitap sulinini aallarteqqittariaqaraa.
Isumalioqatigiissitap sulinini novemberip aallartinneqarnerani unitsippaa, Isumaliqatigiissitami ilaasortat Mala Høy Kuko aamma Ane Hansen ilaasortaaginnassanersut nalornissutigineqarmat.
- Naalakkersuisut aalajangernissaasa tungaannut aalajangerpugut sulinerput unitsikkallarniarlugu, neriulluta Naalakkersuisut sulisitsisutut akisussaassusertik naapertorlugu ajornartorsiut piaartumik aaqqiivigissagaat, sulinitsinni tunngavigisatsinnik ilerasuutigalugu unioqqutitsilluta ingerlalinnginniassagatta, Isumalioqatigiissitaq tusagassiuutinut nalunaaruteqarluni taama allappoq.
AAMMA ATUARUK Isumalioqatigiissitap sulinini nangeqqissavaa
Tusagassiuutinut nalunaarut siulittaasumit Vivian Motzfeldtimit ( S ) siulittaasullu tullianit IA-meersumit Mimi Karlsenimit atsiorneqarpoq.
Tusagassiuutinut nalunaarummi aamma allassimavoq Isumalioqatigiissitaq sulileqqinnissaminut piareersimasoq, sulinissamut tunngavigisaq nutaaq Naalakkersuisut akuerippassuk.
Isumalioqatigiissitap ilanngullugu nalunaarutigaa, 2017-mi ukioq 2020-ip tungaanut sulinissamut pilersaarummik suliaqarsimallutik:
- ukioq manna 2018 qaammarsaanermut paasisitsiniaanersullisulmullu annerusumik atorusupparput, aappaagu 2019 innuttaasut ukiuattut taallugu innuttaasut qanimut peqatigalugit tunngaviusumik inatsisissap imarisassaanik siunnersuusiorfittut atorusupparput, kiisalu sulinerput 2020-p naalernerani naammasserusullugu.
AAMMA ATUARUK Motzfeldt skal ikke blande sig i kommissionens sammensætning
Isumalioqatigiissitap sulinissaannut aningaasaliissutigineqartut 2018-mi nungussapput, aningaasanut inatsit pillugu isumaqatiginniarnermi Isumalioqatigiissitap sulinissaanut 500.000 kr-nik immikkut aningaasaliisoqarpoq.
- Taama pisinnaatitsissuteqarnikkut, Tunngavisumik Inatsissamut Isumalioqatgiissitap sulinissaata nukittorsarneqarnissaa Naalakkersuisunit periarfissinneqarpoq, Isumalioqatigiissitap sulinerata ajunngitsumik naammassineqarnissaa qulakkeerneqassammat, Naalakkersuisut aningaasanut inatsimmut 2018-mut siunnersuuteqarlutik taama allapput.
