Vivian Motzfeldt Isumalioqatigiissitami kikkut ilaasortaassanersut akuliuttussaanngilaq
Inuit Ataqatigiit Siulittaasuata Sara Olsvigip ukiortaami oqaaseqarnermini kaammattuutigaa Tunngaviusumik Inatsisissamik Isumalioqatigiissitap sulinini ingerlateqqittariariaqaraa.
IA-p siulittaasuata naammagittaalliutigaa, Isumalioqatigiissitap Siulittaasuata Vivian Motzfeldtip isumalioqatigiissitap sulinerata ingerlaannarnissaanik iliuuseqarsimannginnera.
Isumalioqatigiissitap sulinini unitsippaa, isumalioqatigiissitami IA-p ilaasortaatitaa Ane Hansen ilaasortaaginnassanersoq nalornissutigineqarmat.
- Isumalioqatigiissitami Inuit Ataqatigiit ilaasortaatitaasa marluuusut aappaa, Isumalioqatigiissitami sulinermi ataatsimiinnernilu peqataatinneqartarnera killeqarsimammat, ilaatigut kikkut Isumalioqatigiissitami ilaasortaasariaqarnerannik isumaqatigiinngitsoqarsimanera pissutigalugu, Sara Olsvig KNR-mut taama oqarpoq
Ilaasortaq pineqartoq tassaavoq Ane Hansen Kommune Qeqertalimmi Borgmesteritut sulinissani pissutigalugu Inatsisartunit suliunnaarallarnissaminik qinnuteqartoq.
AAMMA ATUARUK Tunngaviusumik inatsisissamut isumalioqatigiissitaq quianaannarpoq
Tassunga pissutaaqataavoq, Isumalioqatigiissutip sulinini unitsittariaqaramiuk, Naalakkersuisut akissuteqarnissaat utaqqineqarmat, Ane Hansen isumalioqatigiissitami ilaasortaaginnassanersoq paasineqarusummat.
- Isumalioqatigiissitap katitigaaneranik malitassanik soqanngimmat, isumalioqatigiissitami sulineq unitsinneqarallarpoq, Isumalioqatigiissitap siulittaasua Vivian Motzfeldt KNRmut taama oqaluttarpoq.
Sara Olsvig isumaqarpoq, Ane Hansenip isumalioqatigiissitami ilaasortaaneranut Vivian Motzfeldt akuliuttariaqanngitsoq.
- Erseqqissumik oqaatigerusuppara, Inuit Ataqatigiinniit naatsorsuutigigatsigu, partiit ilaasortassatut toqqarsimasaat, tassaassasut Tunngaviusumik Inatsisiliornissamut Isumalioqatigiissitami ilaasortaat.
AAMMA ATUARUK Tunngaviusumik inatsisissaq pillugu isumalioqatigiissitap allaffissai 7,4 millionit koruuneqartut
Sara Olsvig taama oqarpoq.
Taassuma erseqqissaatigaa, Ane Hansen IA sinnerlugu Isumaliuteqatigiissitamut ilaasortaanissaannut innersuunneqarpoq, suliassamut piukkunnarnersaammat.
Sara Olsvigip oqarnera naapertorlugu, Ane Hansenip Isumalioqatigiissittami ilaasortaaginnarnissaanik qinnuteqaat naalakkersuisunut tunniuneqartoq. Qinnuteqaat Naalakkersuisuni sulia suliarineqanngitsoq Sara Olsvig oqarpoq.
AAMMA ATUARUK Tunngaviusumik inatsisissaq pillugu sulineq unitsinneqarallartoq