Sten Lund: Isumaginninneq namminiilivinnissarlu eqqartorneqaqisut
Qineqqusaarnerup ingerlanneqarnera naliliiffigitinniarlugu politikkimik malinnaasoq Sten Lund oqaloqatigaarput qineqqusaarnermilu suut sammineqarnerusimanersut apeqqutigaarput:
Isumaginninneq namminiilivinnissarlu
- Qinersisartut amerlanerusut akornanni ulluinnarni atukkat, aningaasaqarneq taava aamma pisinnaatitaaffinnik assigiinngitsunik eqqartuineq, isumaginninnermut atatillugu, inissaqartinneqartorujussuusimapput. Politikerinilli namminiilivinnissaq, mittarfissualiornissaq, akileraartarnermut tunngasut aalisarnermullu politikki eqqartorneqaqaaq, Sten Lund oqarpoq.
AAMMA ATUARUK Qaanaami qinersivik eqqissisimanerusumik aallartittoq
AAMMA ATUARUK Qineqqusaarnerit MIO-mit naammagisimaarneqarput
- Tassa oqaatigineqarsinnaavoq inuup tamakkiisumik isigineqarnera, isumaginninnikkut, ilinniartitaanikkut piginnaanngorsarnikkullu, sammineqarpoq. Taava aamma nunatta ikaarsaariarnermut tamakkiisumik aningaasaqartinnerunissaa sammineqarpoq.
Nunaqarfiit sammineqarpianngitsut
Nunaqarfimmiut sammineqannginnerpaat ilaattut taaneqarsinnaappat?
- Taama taaneqarsinnaapput. Ungalliunerusut inissaqartinneqarpallaarsimanngillat. Taamaakkaluartorli immaqa aalisakkat nalittorsarneqarnissaannut eqqartuinermi taakkua, toqqaannanngikkaluamik, eqqartorneqarput. Aamma arlaatigut inissatigut pitsanngorsaavigineqarnissaq sammineqallatsiarpoq, Politikimik malinnaasoq Sten Lund oqarpoq.
