Qineqqusaarnerit MIO-mit naammagisimaarneqarput
Neriorsuutigineqartullu qinersereernerup kingorna timitalerneqarnissaat MIO-mit alaatsinaanneqassapput.
- Neriuutigivara assut qinersisoqareernerata kingorna meeqqat atugaat partiit apeqqutaanatik suleqatigiinnikkut aaqqinniarneqarnissaannut iliuuseqarnissaq tullinnguutissasoq, Meeqqat illersuisuat Aviaaja Egede Lynge oqarpoq.
AAMMA ATUARUK Frimærkip tunineqarnerani sinneqartoorutit MIO-mut tunniunneqarput
Meeqqat atuarfianni atuaqatigiit ikinnerusut, meerartaarnermi sulinngiffeqarneq sivisunerusoq perorsaasunullu aningaasarsiat amerlanerusut partiinit qineqqusaarutit ilagaat. Taamatuttaaq meeqqat kinguaassiuutitigut kannguttaatsuliorfigineqarsimanerannik pasitsaassisoqartillugu iliuuseqapallattarnissaq qineqqusaarutaalluni.
Qinersinerullu kingorna qineqqusaarutit timitalerneqassanersut eqqummaariffigineqarniarput.
- Taamaammat soorunami taakkua malinnaavigeqqissavagut, soorunami aamma neriorsuutigineqarsimasut malinneqarnersut kisianni aamma meeqqat atugaat ilumut pitsanngorsaaviginiarneqarnersut malinnaavigiuaannassavugut uagut MIO-minngaanniit.
AAMMA ATUARUK Royal Greenlandimi sulisut MIO aningaasanik tunissuteqarfigigaat
Meeqqalli illersuisuannit meeqqat atugaat politikkikkut ukkatarineqarnerulersimanerat nuannaarutigineqarpoq.
- Isumaqarpunga ersarittorujussuusoq partiit tamavimmik arlaatigut meeqqat atugaat pingaartilluinnarlugit saqqummiussaqarsimasut.
