Frimærkip tunineqarnerani sinneqartoorutit MIO-mut tunniunneqarput

Meeqqat pisinnaatitaaffiinik illersuiniarnermik suliaqartumut MIO-mut frimærkimut tapiliussap tunineqarnerani sinneqartoorutinik TELE-POST 100.000 koruuninik annertussusilimmik tunissuteqarpoq.
Allattoq Jonas Fievé
apriilip 18-at 2018 09:47

Frimærkip 2016-imi saqqummersup tapiliussartaata tunineqarnerani isertitanit aningaasat pissarsiaapput. Frimærki eqqumiitsuliortumit Julie Edel Hardenbergimit titartarneqarsimavoq. Ukiut marluk sinnilaarlugit nioqqutaanermini assorsuaq tunineqarsimavoq.

- Meeqqat atugaasa nukittorsaavigineqarnissaannut akisussaaqataanermik soqutiginnileraluttuinnarneq attortinnarpoq. Taamaattumik aningaasat tunniunneqartut assorsuaq qujassutigaagut, Meeqqat illersuisuat Aviâja Egede Lynge, MIO sinnerlugu checkimik tigusisoq ilaatigut taama oqarpoq.

AAMMA ATUARUK Frimærki nutaaq Kofoeds Skolemut iluaqutaasussanngorpoq

TELE-POST kulturimut tunngassutilinnut imaluunniit ajunngitsuliornermik siunertalinnut atugassamik frimærkimik ukiut tamaasa saqqummiisarpoq.

AAMMA ATUARUK TELE-POST angerlarsimaffeqanngitsunut 150.000 koruuninik tunissuteqartoq

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq