Qaanaami qinersivik eqqissisimanerusumik aallartittoq
Taasiartorfiit katillutik 72-it ullaap tungaani nalunaaqutaq qulingiluanut ammarput. Qaanaamilu qinersivik ammarneqarmat eqqissisimanerusoq, taasinermi aqutsisoq oqarpoq.
Allattoq Sara K. Jakobsen, Thomas Munk Veirum
apriilip 24-at 2018 13:04
Qaanaami taasinermi aqutsisoq Helle Holm Petersenimik ateqarpoq. Qaanaami qinersivik ammarneqarmat eqqissisimaneruvoq:
- Siulianut, Inatsisartunut qinersinermut, sanilliutissagaanni inukinnerulaarpoq, Helle Holm Petersen oqarpoq, nangillunilu:
AAMMA ATUARUK Inatsisartunut ullumikkut qinersisoqartussaavoq
AAMMA ATUARUK Qinersivik ammarluarneqarpoq
- Tikilluaqquseriarluta, isersimasunut karsi nakkartitsivik imaqannginnersoq takuteriarugu matuarput, taava qinersineq aallartipparput.
Taasiartortulli amerlanerunissaat, taasinermi aqutsisup naatsorsuutigaa. Inuimmi Qaanaami sila akornutiginavianngilaat:
- Silagikkatta ilimanarpoq ullup ingerlanerani inoqarluassasoq, isaallattaarput, Qaanaami taasinermi aqutsisoq Helle Holm Petersen oqarpoq.