Issittoq pillugu Islandimi isumasioqatigiilerput
IA-meersoq Sara Olsvig Folketingimit aallartitatut Issittumi inatsisiliortuneersut komiteeanni peqataassaaq. Sara Olsvigilu issittumi inuiaqatigiiit inuk qitiutillugu ineriartornerat pillugui nalunaartartutut ataatsimeersuarnissap tunganut inissisimasimavoq.
Inatsisiliortuneersut allat marluk qulequttat maluk allat pillugit nalunaartartuupput, qulequttat tassaapput naalakkersuinermi periaatsit aamma aningaasarsiornissamut issittumi perirfissat. Naunaartartut pingasullutik Akureyrimi ataatsimeersuarnermi nalunaaruteqassappat, taakkualu tunngavigalugit issittumi nunat naalakkersuisuinut Issittumilu Siunnersuisoqatigiinnut, Issittumi inatsisiliortuneersut komiteeanni alapernaattutut inissisimaffigisaanut,inasssusiortoqassaaq.
Ilaatigut inassutigineqarpoq:
- Issittumi ineriartornermi issittumik inuit qitiutinneqassasut
- ilisimasanik issittumi nunat killeqarfiit akimorlugit avitseqatigiinnissaq ajornannginnerulissasoq
- Issittormiut qangaaniilli ilisimasaat issitttumi ilisimatusarnermi ilaatinneqassasut,
- Ilisimasat issittumi katersorneqartut issittumi siaruarterneqssasut
- Taavalu aamma tarnikkut peqqissuseq, pinaveersaartitsineq inuussutissanillu isumannaallisaaneq pingaartitatut inissisimatinneqarnerat ingerlaannassasoq.
- Nunat allat Issittumik soqutiginninnerisa annertusiartuinnarnerat ilutigalugu pingaarneruleriartuinnarpoq, uagut nunani issittumiittuusugut nammineerluta issittumi ineriartorneq pillugu tunngavissanik malittarisassanillu pilersitsisarnissarput. Tamatumanilu pingaarluinnarpoq, inuit issittumi najugallit naalakkersuinikkut ingerlatsinermi ineriartornermilu qitiusutut inissinneqarnissaat, Sara Olsvig ataatsimeersuarnissamut aqagumiit tallimanngorpat ilanngullugu ingerlanneqartussamut qilanaartoq, oqarpoq.
Issittumi nunat inoqqaavisa kattuffii suleqatigiinnermi ataavartumik peqataatitaqarsinnaa-
titaapput. Naalakkersuisut aamma nunat tamalaat inatsisartuisa akornanni suleqatigiiffiit, naalagaaffiit Issittumi Siunnersuisoqatigiinni alaatsinaattutut inissisimasut kiisalu nunat tamalaat akornanni suleqatigiiffiit naleqquttut isumasioqatigiinnermut aammalu ataatsimiititaliap ataatsimiinnerinut peqataatitaqarnissamut periarfissaqarput.
