Israelimiut sakkutuui Gazap kujasinnerusortaaniittut Israelimut utertinneqarput

Israelimiut tusagassiorfii allapput, Israelimiut sakkutuui amerlanerit Gazap kujasinnerusortaaniitinneqartut Israelimut utertinneqartut.

Allattoq Ritzau

apriilip 07-at 2024 12:42

Nutserisoq Jaaku Lyberth

Israelimiut sakkutuui Gazap kujasinnerusortaaniittut Israelimut utertinneqarput sakkutooqatigiit ataatsimoortut ataatsit Gazamiiginnartinneqarlutik.

Aviisip The Jerusalem Postip allaaserisaa naapertorlugu sakkutooqatigiit ataatsimoortut pingasut Gaza sapaatip ullaassaani qimappaat. Sakkutuut taakkua illoqarfiup Khan Younisip eqqaaniinnerusimapput.

Illoqarfik Khan Younis Gazap kujasinnerusortaani illoqarfiup killeqarfiup eqqaaniittumit Rafahmit otte kilometerisut ungasitsigisumiippoq

Israelip ministeriunera Benjamin Netanyahu arlaleriarluni oqartarpoq, Israelip sakkutuui Rafahliartinneqarumaartut. Tamannali suli pisimanngilaq.

Palæstiinamiut en milliuuninik sinneqartut illoqarfimmut Rafahmut annagiarput, illoqarfik taanna igitsinemut killeqarfeqarpoq.

Gazami innuttaasut affaata missaanniittut Rafahmukarput.

Israelimiut sakkutuui sakkutooqatigiit ataatsimoortut Hahal-imik taaguuteqartinneqartut Gazap kujasinnerusortaaniitinneqarput.

Sakkutooqatigiit Nahalikkut Gazap kujasinnerusortaaniitinneqarput Palæstiinamiut Gazap kujasinnerusortaanittut avannarpasinnerusumukarnissaat pinngitsoortinniarunarlugu.

Israelimiut sakkutuuisa Gazamit qimagunnerat nalunaarutigineqarpoq, Hamasikkut Israelimut saassussillutik aallartinnerannit ukiup affaa qaangiuttorlu, Hamasikkut saassussineranni inuit 1200-it toqutaapput 250-illu sallunaveeqqutitut tigusaallutik.

Taamanili Israel Hamassikkunnut Gazamiittunut sorsullutik aallartipput.

Oqartussaasut Hamasikkunnit nakkutigisaasut paasissutissiissutigisaat naapertorlugu Palæstiinami inuit 33.000-it toqutaapput.

/ritzau/

Nutaarsiassami kukkunermik nassaarsimaguit uunga allaffigineqarsinnaavugut.