Islandimi naalakkersuisut suleqatigiinnerat isasoortoq
Ministeriunerup Bjarni Benediktssonip ataataa allakkanik immikkut ittunik allammat Parti Lys Fremtid Selvstændighedspartiimik suleqateqarnermit tunuarpoq.
Allakkami ataataasup innersuussutigaa angutip pinerlussimannginnermut uppernarsaammini pisuutitaajunnaarnissaa. Eqqartorneqartoq 2004-imi ukiut arfinilissaat avillugu parnaarussassanngortinneqarsimavoq; panissani tallimanik ukioqarneraniit ukiuni aqqaneq marlunni kanngutsaatsuliorfiginnissimasutut.
AAMMA ATUARUK Island har fået ny regering
Islandimiut ilungersunartunik pinerlussimagunik "ataqqinarsisitaaqqinnissaq" qinnutigisinnaavaat - tassalu pinerlussimanermut uppernarsaammi pisuutitaajunnaarsinnaallutik. Taamaaliorniaraannili qanigisamit ilalerneqartariaqarpoq.
Ministeriunerulli ataataata taama allassimanera, taamaalillunilu pineqaatissinneqarsimasumik takussutissanik piiaasimanera aatsaat maanna paasineqartoq, Jyllandsposten taama allappoq.
Selvstændighedspartii Reformpartiilu maanna taamaalillutik kisinngorupput.