Piratparti naalakkersuisunngortitsinissamut aggersarneqarpoq
Partii annersaasoq namminersorneq pillugu, partiinik allanik iluatsinngitsumik isumaqatiginninniaraluarpoq.
Piratpartiimeersoq, Birgitta Jónsdóttir isumaqatiginniarnissat pillugit isumalluarnerarpoq.
- Suleqatigiilernissamut aqqutissiuussinissamut isumalluarpunga, Jónsdóttir oqarpoq.
Piratpartiimeersut tamat oqartussaaqataanerunissamik sorsuutiginnittut oktobarimi qinersisoqarmat qinigaalluarnerpaanissaat siulittorneqaraluarpoq, qinersisinnaasunili 14,5 procentinik taaguunneqarpoq, taamaalilluni Altingimi partiini siuttut pingajuattut inissisimalerluni.
Ataatsimut isigalugu partiit arfineq marluuusut akornanni qinersinermi amerlanerussuteqarnerusoqanngilaq.
Islandip statsministeriat, Sigmundur David Gunnlaugsson akileraarutitigut salluliorsimasutut paasineqarmat tunuarpoq.