Islandimiut skakkertartut Uummannamut aliikkusersuiartuilersut
Tassa islandimiut skakkertartui, Hrokurinn Uummannami meeqqanut inuusuttunullu, aammali nunaqarfinnit Nuugaatsiameersunut, Illorsuarneersunullu ulluni sisamani aliikkusersuiartulerput.
Nunaqarfinni taarsaarsuaqarmat skakkertartut klubbiat, ilagiit naalagaaffiup tapersersuisa ikiueqqaarniartarfiat kiisalu Kalak nunatta Islandillu akornanni ikinngutigiittut peqatigiiffiat peqatigalugit aningaasanik katersineq aallartippaat.
- Annaasaqangaatsiarsimasut, quianartunik eqqaamasaqartitseqataaffigerusuppugut, aammattaaq asanninnermik nuannaarnermillu tunniussaqarfigerusuppagut, skak klubbimi siulittaasoq, Hrafn Jökulsson oqarpoq.
Sapaatiuppat paasissutissiinertalimmik ataatsimiititsisoqassaaq, Circus Islandimeersullu, Axel aamma Cjarni cirkussernermik ullut pingasut tulliuttut atuartitsissapput.
Eqimattat islandimiut Uummannamukannginnerminni Nuummukaqqaassapput Nuuk Centerimilu aqagu pingasunngornermi nalunaaqutaq 15 isiginnaartitsissallutik.
