Islandimiut præsidentimut qinersigamik Halla Tómasdóttir qinigaavoq

Islandimi præsidentimik qinerisoqarmat arnaq niuernermik suliaqartoq 55-inik ukiulik Halla ´Tómasddóttir qinigaavoq.

Taassuma qinigaanera qulakkeerneqarpoq unammillertaata Katrin Jakobsdóttirip Halla Tómasdóttir ajugaaneranik pilluaqqummagu.

- Halla Tómasdóttiarip præsidentinngornissaa ilimanarsimmat pilluaqqungaarpara, Jakobsdóttir aaviisimi Morgunbladetimi apersorneqarluni oqarpoq.

Islandimi qinersisartut 32,1 procentiisa Tómasdottir qinerpaat, Jakobsdóttir qinersisartut 25,8 procentiinit qinerneqartoq.

Tómasdóttirip ajugaanissani ullaassaq tikillugu qulakkeeqqanngilaa.

- Ajunngitsorujussuuvunga. Eqqissisimaniaannarpunga itisuumillu anersaartorlunga Halla oqarpoq.

Halla Tómasdóttir Reykjavikkimi suliffeqarfimmik aningaasaliisartumik pilersitseqataanikuuvoq. Halla Islandimi arnani præsidentinngortut aapparaat taanna aggustip aallaqaataani præsidentitut ivertinneqasaaq.

Maanna 2016-mili præsidentiusoq Gudni Jóhannesson Hallap taarsissavaa.

Qinersiartortut amerlasut

Islandimi præsidentinut qinersisoqartalermalli Halla Tómasdóttir præsidentiusut arfineq marlussaraat, arnanilu præsidentinngortut aappassaralugu. 

Islandimi qinersisinnaasut 267.000-it missaanniipput.  Qinersisinnaasut 79 procentii qinersiartorput, kingullermik 1996-mi taama amerlatigigamik aatsaat taama amerlatigipput.

/ritzau/AFP