Islandimiut oktobarimi qinersissapput
Islandimi naalakkersuisut Islandip inatsisartuinut altingimut oktobarip 29-ani qinersinissaq suaarutigaat.
Allattoq Ritzau
aggustip 12-at 2016 07:47
Nutserisoq Ivik Kristiansen
Ministeriuneq Fremskridtspartiimeersoq Sigurdur Ingi Johansson Islandimi TV-qarfimmut taama nalunaaruteqarpoq.
Qinigaaffiup naanissaanut qaammatit arfinilinngortut qinersisoqassaaq.
Johanssonip parteeqatini Sigmundur David Gunnlaugson ministeriunertut apriilimi taarserpaa.
Gunnlaugsonip Panamap pappialaanik taaneqartartuni ilaanera paasineqarmat, islandimiut titusintilikkuutaat Reykjavikkimi Altingip saavani akerliussutsimik takutitsipput.
Gunnlaugsonilu pinngitsuuneraraluarluni tunuartariaqarsimavoq.
Islandip inatsisartuinut qinersinissamut ulluliussaq Altingimi partiinit allanit isumaqataaffigineqarpoq.
/ritzau/
