Islandimi takornarniat ilaat sikup ataani qaarusummi uukkaattoqarnerani ajunaartoq

Islandimi takornarniat ilaat sikup ataani qaarusummi uukkaattoqarnerani sapaatiummat ajunaarpoq.

Islandimi nutaarsiassaqartitsivik RUV ataasinngornermut unnuaani taama allappoq.

Inuk alla ajunaarfimmi qaarusummiittoq sapaammi unnukkut annaanneqartoq ajoqusersimaqisorli nalunaarutigineqarpoq.

Inuit marluk suli maqaasineqartut, Islandimi nutaarsiassaqartitsiviit ataasinngornermi ullaakkut paasissutissiipput.

Inuit 100-t annaassiniaqataasut

Takornarniat ingiaqatigiittut tikeraartillutik sumiiffimmi pineqartumi uukkaattoorput.

Takornarniat 25-t angallassisuallu Breiðamerkurjökullip sermersuatikoorneranni uukkaattoorneqarpoq.

Inuit 100-t missaat sermimi annaassiniaanermi peqataasut, nutaarsiassaqartitsivik RUV aamma allappoq.

Sumiiffik pineqartoq Islandimi takornarniartitsinermi ornigarluarneqartuuvoq.