Nunatta Islandimi sinniisoqarfiani pisortassaq toqqarneqartoq

Jacob Isbosethsen Aarhus Universitetimi statskundskabimik tassa naalagaaffiit pissusiinik ilisimatusarnermi ilinniarsimasuuvoq, sinniisoqarfimmilu pisortanngortussaq Namminersorlutik Oqartussani 2007-imiilli sulivoq.
Siullermik Aalisarnermut, Piniarnermut Nunalerinermullu naalakkersuisoqarfimmiippoq, kingornalu Bruxellesimi Nunatta EU-mut Sinniisoqarfianiilluni. 

Pisortanngortussaq Nuummi Nunanut Allanut tunngasunut Naalakkersuisoqarfimmi immikkoortortaqarfimmi 2015-imit pisortaavoq.

Nunanut allanut tunngasunut Naalakkersuisoq, Vivian Motzfeldt tusagassiutinut taama nalunaaruteqarpoq.

AAMMA ATUARUK Hans Enoksen fejrede Island

- Assut nuannaarutigaara 2018-mi aningaasanut inatsimmi Reykjavikimi Sinniisoqarfissamut aningaasaliisoqarmat. Sinniisoqarfimmi pisortap ilaatigut suliassaraa, suliffimmik nutaamik ineriartortitsinissaq - Kalaallit Nunaata Islandillu akornanni niuernikkut aningaasaqarnikkullu attuumassutilinnik patajaallisaanissaq, Vivian Motzfeldt taama oqarpoq.

AAMMA ATUARUK - Vi har planer om at få en repræsentant i Kina