Islandimiut ajugaaffiginissaat Fight Club Nanup neriuutigaa
Inuusuttuaqqat, inersimasut, arnat, angutillu tilluuffimmut qaqillutik ajugaaniuttaqattaarnissaannut tilluuttartoqatigiit Fight Club Nanoq nuummeersoq aaqqissuisuuvoq.
Isiginnaartoqarluartarpoq
Nuup Timersortarfissuani nalunaaqutaq arfinernut tilluunnerit aallartinneqassapput, siornatigulli aaqqissuussisarnerni illorsuaq qammillugu isiginnaartoqartarsimavoq.
Taamaattumik aaqqissuisoq Fight Club Nanumi siulersuisuneersup Jørgen Boassenip innersuussutigaa inissaqarumagaanni siusinaarluni takkunnissaq.
- Tassa unnugumut pissangasorujussuuvugut. Islandiminngaanniit unammiartortut tilluunnerunikuugamik, taakkua 25-t missaannik tilluunnikuupput uagullu unammititassagut tallimat missaannaannik tilluunnikuullutik. Taanna assigiinngissutaata takunissaa assut pissanganarpoq. Kisianni neriuutigivarput aamma ilimagivarput ajugaassalluta, Jørgen Boassen oqarpoq.
Aamma atuaruk Tilluuttartut Qaqortoq tiguarpaat
Illersuiartortussanik tikilluaqqusipput
Taassuma neriuutigaa amerlasuut nunaqqatitik ajugaaniassammata illersoriartorlugit takkukkumaartut.
- Tassa neriuutigivara soorunami uagut ajugaassasugut. Taanna ilimanalaangajappoq, kisianni soorunami neriuutigeqaara, Jørgen Boassen oqarpoq.
Nuup Timersortarfissuanut isilernermi isissutissat pisiarineqarsinnaapput.
