Islandimut tikinnermi malittarisassat sukannernerulissasut

Islandimut tikinnermi malittarisassat pingasunngorpamit aggustip ulluisa 19-anit sukannernerulissapput.

Islandimut tikittut tamarmik pingasunngorpamiit marloriarlutik misissortittassapput.

Siullermik tikinnermi aappassanillu tikinnermit ullut tallimat qaangiunneranni.

Islandimut tikittut tamarmik ullut tallimat aneqqusaassanngillat.

Taamaattumik Islandimut tikittut tamarmik tikitaminniiginnassapput, inunnillu allanik attaveqassanngillat, tikeqatigisatik kisiisa attavigisinnaassallugit.

AAMMA ATUARUK Tamaat isigalugu: Coronavirus pillugu killiffik

Islandimut tikittut tamarmik nerinartarfinnukaqqusaanngillat imerniartarfinnut niuertarfinnut naluttarfinnulluunniit Soorlu aamma biilerluni tammaarsimaariartoqarsinnaanngitsoq.

Islandimut tikittut akunnittarfinni angerlarsimafinniluunniit immikkut uffarfilinnut perusuersarfilinniluunnit najugaqarsinnaapput.

Aneqqusaannginnerup nalaani biilertoqarsinnaavoq, pisuttuartoqarsinnaallunilu, Islandimi nunanut allanut minstereqarfik taama nalunaaruteqarpoq.

Islandimi inuit 2011-it coronavirusimik tunillatsissimapput.

Coronavirusimik tuniluunnerup aallartinneranit Islandimi inuit qulit toqupput.