Islamisk Statip siuttua ukiuni tallimani takuneqarsimanngeriarluni saqqummertoq
Videoliaq 18 minutinik sivisutigisoq ilumoortuunersoq uppernarsarneqarsinnaasimanngilaq, qangalu immiunneqarsimanersoq ilisimaneqarnani. Qanittukkut pisimasut Abu Bakr al-Baghdadip videoliami eqqartorpai, ungasippallaanngitsukkullu immiunneqarsimasinnaanissaa ilimagineqarluni.
Sri Lankami Poorskimi qaartartumeerinerit taassuma eqqaavai. Inuit 250-init amerlanerusut tassani toqutaapput, Baghdadillu oqaatigaa Islamisk Statikkut sakkutuuisa Syriami Baghouzimi toqutaanerannut akiniaanerusoq.
AAMMA ATUARUK IS-ip siuttua russit toqussimaneraraat
Syriami illoqarfik Baghouz marsimi sakkuaaffiuvoq. Islamisk Statikkut tiguarsimasaanni kingullersaavoq aniguisinneqartoq.
Videoliami Abu Bakr al-Baghdadiunasorisaq angutaavoq umilik, eqqarasuartallu tunuaniittoq takuneqarsinnaalluni.
Abu Bakr al-Baghdadi ataasiaannarluni tamanut siornatigut saqqummersimavoq. Irakimi illoqarfissuarmi Mosulimi 2014-imi saqqummerpoq, Islamisk Statip kalifatia tassani suaarutigalugu.
