Innaarsuit: Iluliarujussuaq allakkut aniffissaqanngilaq
Innaarsunni innuttaasut 170-it missaannik amerlatigisut sapaatip akunnerani kingullermili iluliarujussuaq nunaqarfimmut qanittuaraalluni uninngaasoq isigiuarpaat.
Tallimanngornermi unnukkut sakkortuumik kujasimmik anorlimmat ulinnerpaaffianilu iluliarujussuaq anniktsuinnarmik nikippoq.
Susanne K. Eliassen oqaluttuarpoq iluliarujussuaq nunaqarfimmit qimigutissaguni allakkut aqqutsissaqanngitsoq.
- Neriuppunga ulluni qaninnerni avalassasoq aserornani, Susanne oqarpoq, - iluliarsuaq nunaqarfiup tungaanut pulajartornermini aqqutigisimasani atuarlugu aatsaat anillassinnaasoq oqaatigineqarpoq, Susanne K. Eliassen oqarpoq.
- Aamma oqaatigivaat aqqutigisimasani atunngikkuiniuk anillassinnanngitsoq, Susanne K. Eliassen nuanqarfimmi aqutsisuni ilaasortaq taama oqarpoq.
AAMMA ATUARUK Iluliarujussuaq Innaarsuit avannaaniittoq unnuap ingerlanerani nikissimanngilaq
Ilulissat Innaarsuit sanequllugit avannamut ingerlaartartut millilartortarput
- Ilulissat Innaarsuit sanequllugit ingerlaaraangamik aserullattaallutik milliartortarput anillannissaannullu annikinnerulertarlutik Susanne K. Eliassen oqarpoq.
AAMMA ATUARUK - Eqqumiitsumik misigisimanarpoq
Iluliarujussuaq maanna Innaarsuit eqqaanniittoq angivallaarpoq qeqertat Innaarsuit avannaatungaaniittut saneqqullugit avammut avalannissaanut
Susanne K. Eliassen Innaarsunnilu innutaasut sakkortuumik avannernissaa utaqqisariaqassavaat, iluliarujussuup nunaqarfik qimallugu baffiip kangerlumarnganut avalanniassamat.
Iluliarujussuaq nunaqarfimmut qanittuararsuarnngoriarluni sapaatip akunnerata naanerani avannamut 500 - 600 meterisut nikippoq.