Kulturi

Inuusuttut marluk Great Greenlandip iigaanik kusassaasussatut toqqarneqartut

Inuusuttut marluk Qaqortumeersut ammeriviup Great Greenlandip iigaanik kusassaasussatut toqqarneqarput, eqqumiitsuliat streetart aqqusinerni eqqumiitsuliat iikkani qalipakkatigut pinngortinneqarlutik.
”Arnaq arfertut sarpilik pinnissutsip nukinganut ersiutaavoq, uilorlu qillertoq inuit qanissusiannut ersiutaavoq.” Kaaka Kielsen Olsen
”Qipoqqaq misissorluarlugu ilutsit tassaniittut ersilersarput. Kalaallisuunit isumassarsiaapput. Sarpiani sapangaaqqat takuneqarsinnaapput, aammalu qatigaaniit qummut nunatta naasui ilaatigut kalaallisuut assiliartarisartagaat takuneqarsinnaapput. Qalipagaq kalaallisuut qanoq kusanartiginerannut nersorinnissutaavoq.”Naja Theresia
Allattoq Anton Gundersen Lihn
aggustip 06-at 2018 11:17
Nutserisoq Mads Lynge

Inuusuttut 65-it assilialiortitsinermut ukioq manna apriilimi peqataapput. Qalipakkanik unammisitsineruvoq, unammisitsinerlu juulip qiteqqunnerata nalaani naammassineqarluni.

Inuusuttut qulingiluat Great Greenlandip iigaanik kusassaatissanik siunnersuuteqarput, taakkunanngalu marluk kusassaasussatut toqqarneqarlutik.

Kaaka Kielsen Olsenip qalipagaa "Arnaq" toqqarneqarpoq. Qalipagaq arnaavoq nalitsinneersoq, oqaluttuatoqqanilli soorlu sassuma arnaanit pisuusinnaalluni. Heidi Zilmer, eqqumiitsuliortoq suliniummillu aqutsisoq, tusagassiutinut nalunaarummi taama ilaatigut allaaserisaqarpoq.

Naja Theresiap qalipagaa "Qipoqqaq" kalaallisuunit isumassarsiaasunik titartarnertaqarpoq:

- Inerneri pitsaangaarmata ajugaasumik toqqaanissaq assut ajornakusoorpoq. Tassuuna takusinnaavarput Qaqortumi eqqumiitsuliornermut piginnaaneqartoqarmat inerisagassaqqissunik sulissutigisariaqartunillu, eqqumiitsuliortoq, suliaqartitsinermilu  aqutsisoq oqarpoq.

Qalipakkat marluk taakku Great Greenlandip iigaanik kusassaanerussapput, qalipakkallu aggustip ulluisa 18-ianni uleerneqassallutik.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk

Kulturi

Naja P.-p inuit erinarsuummik assigiinngissutsimik akuersisumik ataatsimoortikkusuppai

Kulturi

Kalaallit filmiliaat Canadami Oscarinnappoq

Angerlarsimaffiutigalutik atuarfiusimasuni Canadamiittuni iliveqarsinnaanera qularineqartoq