Inuusuttoq inuusuttoqatiminit allanit sisamanit nakuuserfigineqartoq
Arnaq inuusuttoq 17-inik ukiulik Nuummi tallimanngornermut unnuaani saassunneqarpoq.
Saassussineq nalunaaqutaq 03.34-ip missaani pivoq, arnaq inuusuttoq inuusuttoqatiminit allanit sisamanit saassunneqarluni, Kalaallit Nunaata Politiivini sillimasut pisortaat Poul Kreutzmann tallimanngornermi ullorortoq oqaluttuarpoq.
- Arnaq inuusuttoq saassutsinnermi kingorna napparsimmavimmi misissorneqarpoq. Naak saassutsinnikuugaluarluni ajunngilaq, sillimasut pisortaat oqarpoq.
17-inik ukiulimmut saassussisut inuusuttut sisamaasuni marluk eqqartuussivimmi sassartinneqassasut, Politiit unnerluussisussaatitaasut peqatigalugit aalajangerpaat.
- Eqqartuussivimmi sassartinneqartussat nakuusersimanermullu unnerluutigineqartussat aappaa 15-inik ukioqarpoq aappaalu 16-inik ukioqarluni, saassussineq sakkortuumik saassussinerusoq, Poul Kreutzmann oqaluttuarpoq.
Misissuersuaartoqaleruttorpoq, suliami ilaasut tamarmik 18-it inorlugit ukioqarmata, inuusuttut angajoqqaatut akisussaatitaasui isumaginnittoqarfillu suliaq pillugu nalunaarfigineqarput.
