Inuussutissarsiornermut Aningaasaateqarfik pisortartaalerpoq

Komuneqarfik Sermersuumi Inuussutissarsiornermut Aningaasaateqarfik, Sermersuumi Inuussutissarsiornermut Siunnersuisoqatigiit, aggustip aallaqqaataanni 2013 nutaamik pisortartaassaaq, tassa 49-nik ukiulik, Ulla Lynge, pisortatut atorfinitsinneqassalluni.
Allattoq Apollo Jeremiassen
apriilip 19-at 2013 12:28

Ulla Lynge Ilisimatusarfimmi Cand.scient.adm.-imi ilinniarsimavoq, aamma Henley Management Collegemi MBA, Tuluit Nunaanniittumi naammassisimallugu. Ulla Lyngep Marie Fleischer, ukiuni sisamani kingullerni pisortaasimasoq taarsissavaa.

- Ulla Lyngep pisortatut toqqarnerani pingaartippagut, ukiut kingulliit 20-t ingerlaneranni Kalaallit Nunaanni inuussutissarsiornikkut ineriartornermut atatillugu ilisimasaqarluarnera, politikkikkut suleriaatsinik Kalaallit Nunaannilu aningaasatigut unammilligassanut attuumassutilinnik ilisimasaqarluarnera, taavalu aningaasaqarnikkut periarfissanik patajaatsumik ilisimasaqarnera, Sermersuumi Inuussutissarsiornermut Siunnersuisooqatigiit siulittaasuat, Martin Ben Shalmi, pisortanngortup sivisuumik suleqatiginissaanik qilanaartoq, tusagassiutinut nalunaarummi allappoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk