Assi: KNR

Inuuniarnikkut atukkat artornartut pillugit Sermersooq pilersaaruteqarpoq

Kommuneqarfik Sermersuup missigersuutaasa kusanartut ilaatigut pilersissavaa, inuuniarnikkut atukkat artornartut sammineqarnerulernissaat.

Kommuneqarfik Sermersuup aningaasatigut aappaagumut missigersuutaat ullaatungaa saqqummiuneqarmata, borgmesteri tulluusimaaqisoq saqqummiivoq. Tulluusimaarneranut pissutaanerpaavoq, kommuni 26,6 millioner koruuninik aappaagu sinneqartoortussatut aalajangiussimmat.

Taama sinneqartoornermi inuuniarnikkut atukkat artornarsinnaasut sammineqarnerulernissaat kommunalbestyrelsemit aalajangerneqarpoq ilaatigut tassani meeqqat eqqarsaatigineqarnerullutik.

- Meeqqat atugarliortut meeqqat angerlarsimaffiinut inissinnagit imaluunniit angajoqqaarsiaqartinnagit, ilaqutariit tamaasa ikiorserneqarnissaat siunertaraarput, taamaaliornikkut ilaqutariit peqqissumik toqqissisimasumillu inuuneqalernissaat siunniullutigu, Asii Chemnitz Narup oqarpoq.

Aamma atuaruk Sermersuup aningaasatigut missigersuutaat aappaagumoortut iluatsipput

Sanaartornermut aningaasat iluaqusiissapput

Sanaartornermut aningaasartuutissat annertuut allanngortinneqartussaanngillat, tamannalu kommunimut iluaqusiissasoq, borgmesteri Asii Chemnitz oqarpoq.

- Tassa pingaaruteqarpoq inissialiornissaq aamma pingaaruteqarluni inuutissarsiuititigut ineriartortitsinissamik qulakkeerinninnissaq, tassuunatigullu kommuneqarfitta minnerunngitsumillu Nuup illoqarfiata ineriartornissaanut aningaasaqarnikkullu annertusaanissamut qulakkeerinnissagatta, borgmester Asii Chemnitz Narup oqarpoq.

Aamma atuaruk Aningaasatigut aqutsinerliorneq pisortallu taarsernerat aningaasarliornermut peqqutaatinneqarput

Sukannersumik nakkutigineqarneq qaangiuppoq

Kommunip siorna aningaasarliornerata kinguneranik, kommuni Namminersorlutik Oqatussanit sukannersumik nakkutigineqalersimagaluarnera maanna qaanngerneqartoq, borgmester Asii Chemnitz Narup oqarpoq.

Kommunilli aappaagu sinneqartooruteqarnera ukiuni 2017-mi, 18-imi aamma 2019-imi amigartooruteqarnermik taarserneqassaaq. Borgmesterilli tamanna ernumanartutut tigoqqunngilaa, tassa sanaartornermut aningaasartuutissat annertuut ukiuni tulliuttuni allanngortinnagit ileqqaarneqarnerisa amigartoorutissat annikinnerulersissinnagai oqarluni.

- 2016-imut sinneqartoornissarput piviusorsiortuuvoq, kisianni ukiunut tulliuttunut tassa 2017-imut, 18-imut 2019-mullu sanaartorneq eqqarsaatigalugu annertuallaarusuusrtunik kissaateqarsimalluta, taamaammat immitsinnut piumaffigaagut 2016-ip aallartinneraniilli aalajangerpugut eqqarsaatigilissallutigu, ukiuni tulliuttuni sanaartugassat tugaasigut sukkut ilanngaasoqarsinnaanera, Kommuneqarfik Sermersuup borgmesteria, Asii Chemntz Narup oqarpoq.

 

Borgmesterip erseqqissarpaa, Nuup illoqarfittut Nunatsinni pingaaruteqarnerata, kommunip tamarmiusup tamanna aningaasatigut iluaqutigimmagu. Tamassumali saniatigut, kommunit sisamaasut akornanni aningaasatigut nalimmassaanermut, Kommuneqarfik Sermersooq aappaagu kingullerpaamik akiliisussaavoq 230 millioner koruunit angullugit.

.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat