Inuppassuit Prins Henrimmut inuulluaqqusiartortut

Prins Henriup inuulluaqquneqarnissaa ullumi tamanut ammaanneqartoq dr.dk allappoq. Inuillu tusindit sinnerlugit inuulluaqqusiartorsimasut nutaarsiassaqartitsivik ritzau allappoq.
Assi © : KNR
Allattoq Ane-Marie Petersen, Anton Gundersen Lihn
februaarip 17-at 2018 18:24

Københavnimi Christiansborg Slotskirkemi ualigaa innuttaasunut matut ammarneqarput. Tassani Prins Henriup ilerra 'castrum doloris'-itut inisseqqasoq - tassa anniarnerup nallavia.

'Castrum doloris' tassaavoq ilisaasussap illerfia natermi qaffatamiittoq erfalasumik ulinneqarsimasoq. Prins Henriup illerfia naasunillu nigalilianik kaajallallugu ilioraavigineqarsimavoq  sakkutuunillu arfineq-pingasunik kaajallallugu paarineqarpoq. Taakku sakkutuumit, sakkutuut imarsiortumit, timmisartortartumit hjemmeværnimeersuullutik.

AAMMA ATUARUK Kalaallit ningaannarisutut pissusilersorfigisarpaat

Matut suli ammanngitsut inuulluaqqusiartortut utaqqisut meterinik hunnorujorpassuarnik takissuseqarput, ullullu naanerani inuit 5081-it prinsimut inuulluaqqusiartorsimasut Jan Blichert-Hansen Christiansborg Slotsforvaltningimeersoq Ritzau-mut oqarpoq.

Prinsip illerfia 'castrum doloris'-itut marlunngorpat ilisaanissaata tungaanut inissisimassaaq.

AAMMA ATUARUK Prins Henriup nunatsinniittarnini nuannariuarpaa

AAMMA ATUARUK Inuit Prins Henrik pillugu eqqaamasaat

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq