Assit: Prins Henriup nunatsinniittarnini nuannariuarpaa
Prinsip Dronningi ilagalugu kimmut sineriammut angalanerminni nunarput aasaanerani 2015-imi kingullermik tikeraarpaa. Tikeraarnerli taanna siullermeerluni tikeraarnerinngilaa. Prinsip Nunarput siullerpaamik 1970-imi tikeraarpaa, tassanilu kangimut sineriammut Ammassalimmullu angalapput.
- Tamatigut nuannertaqaaq, Prins Henrik KNR-imit Nunó Isbosethsenimit 2015-imi apersorneqarami nunatsinnut angalasarnerpassuani pillugit taama oqarpoq.
Prins Henrik kalaallit eqqumiitsuliarpassuinik Danmarkimi saqqummersissimasamiinik katersugaqarpoq. Tamatuma saniatigut kalaallit inuussutissaataannik nuannarinnittuusoq malunnarpoq nunarpullu pillugu taalliaqarluni.
Uani ataani 2015-imi ilanngutassiarineqartoq, oqaluttuarisaanermullu uteqqilaarnissamut inissaqartitsisoq isiginnaarneqarsinnaavoq.