Inuppassuit Papua Ny Guineami nunap ilarujussuata sisoornerani ajunaarsimanissaat aarleqqutigineqartoq
Papua Ny Guineami nuna annertoorujussuaq tallimanngornermi ullaakkut sisummat, nunaqarfiit arlaqartut eqqorneqarput.
Nunaqarfik Kaokalam nuna sisoormat eqqorneqarpoq nunaqarfimmiut amerlanersaat sininneranni.
Inuit 100-nik sinneqartut ajunaarsimasut Kaokalamip eqqaaneersut nalunaarput, inuilli qanoq amerlatigisut ajunaarsimanersut oqartussaasunit suli nalunaarutigineqanngilaq.
Nunami sisoorfiusumi pissutsit maanna qanoq innersut suli ilisimaneqanngitsut ministeriuneq James Marape oqarpoq, maannali tamanna sulissutigineqartoq taassuma qulakkeerlugu oqaatigaa.
Papa Ny Guineami ikiuniaqatigiiffiup Røde Korsip pisortarigallagaata oqarnera naapertorlugu annaassiniartartartut ullut marluk tikillugit nunamut sisoorfiusumut tikikkuminaatsumut aatsaat apuussinnaasut.
Inuit 100-t 500-llu akornanni amerlatigisut ajoqusersimanngikkunik ajunaarsimanissaat Røde Korsimit eqqoariarneqarpoq.
