Inuk ataaseq biilinik ajutoornerup kingorna peruluttoq
Inuit marluk unnuaq pingasut missaanni Nuummi 400-rtalimmi ajutoortut napparsimmavimmi maanna passunneqarput.
Pineqartut tamarmik 19-inik ukioqarput, aappaa annikitsumik ikilersimavoq, aappaali perululluni, Kalaallit Nunaanni Politiit pigaartuisa pisortaat, Jeppe Andsager paasissutissiivoq.
- Suliami suli misissuiffigeqqissaagaqaaluppugut, pissutigalugu inuit marluk ajoqusernerat misissueqqissaarnitsinnit siulliunneqartussaammata, taanna oqarpoq.
Inuusuttut marluk nassuiaateqarsinnaalerniariarpata politiinut aamma nassuiaateqassapput, taanna oqarpoq.
Taassumali politiit ilisimannittut arlallit oqaloqatigisimallugit biilillu ikuallalersimanera pissutigalugu bilinspektørimik aamma misissuisoqartoq paasissutissiissutigaa.
- Kisianni susoqarsimanerata oqaatiginissaa siusippallaarpoq, pigaartut pisortaat oqarpoq.
400-rtalimmi ajutoortoqarnera pissutigalugu aqqusineq ullaap tungaani matoqqatinneqarpoq, aqqulli maanna tamakkiisumik ingerlavigineqarsinnaaleqqippoq.
